2026 оны 10 дугаар сарын 22–23-ны өдрүүдэд Ханнс-Зайделийн сан, Монголын Хуульчдын холбоо, Монгол Улсын Их Сургуулийн Хууль зүйн сургуулийн Герман, Европын эрх зүйн төв хамтран “Хуулийн төсөл боловсруулагчийн сургалт”-ыг Улаанбаатар хотноо зохион байгууллаа.

Ханнс Зайделийн сангийн Монгол дахь төлөөлөгчийн газар нь БНСУ дахь Жорж Мейсоны их сургуультай хамтран залуучуудын манлайлал, хэлэлцээ хийх ур чадвар, зөрчилдөөнийг шийдвэрлэх чиглэлээр хамтын ажиллагаагаа өргөжүүлэн ажиллаж байна.

2026 оны 10 дугаар сарын 10–11-ний өдрүүдэд Жуулчин Тэрэлж ресортод “Хуулийн төсөл боловсруулах, холбогдох судалгаа хийх аргачлал” сэдэвт хоёр өдрийн сургалт зохион байгуулагдлаа.

Ханнс-Зайделийн сангийн Монгол дахь төлөөлөгчийн газар болон Монгол Улсын Шүүхийн шинжилгээний ерөнхий газар (ШШЕГ) хамтран 2026 оны 10 дугаар сарын 1-нээс 2-ны өдрүүдэд Хөвсгөл аймгийн Мөрөн хотод “Хүрээлэн буй орчны эсрэг гэмт хэргийг хянан шийдвэрлэхэд анхаарах зарим асуудал” сэдэвт сургалтыг амжилттай зохион байгууллаа.

Гэр бүл, хүүхдийн асуудал хариуцсан анхан болон давж заалдах шатны шүүхийг шинээр байгуулснаар Монгол Улс гэр бүлийн шүүх эрх мэдлийн тогтолцоогоо шинэчилж байна. Шүүхийн ерөнхий зөвлөл, Монголын хэвлэлийн зөвлөл, Ханнс Зайделийн сан хамтран хэлэлцүүлэг зохион байгуулж, Германы хоёр шүүгч эцэг эхийн эрх, хүүхэдтэй харилцах эрх, хүүхдийн тэтгэлэг болон хөгжлийн бэрхшээлтэй хүүхдийн эрхийн талаарх туршлагаа хуваалцлаа. Мөн хүүхдийн эрхийг олон нийтэд хүргэхэд хэвлэл мэдээллийн гүйцэтгэх үүргийн талаар хэлэлцэв.

Өсвөр үеийнхэнд хууль эрх зүйн мэдлэг олгох, гэмт хэргээс урьдчилан сэргийлэхэд тэдний оролцоог нэмэгдүүлэх, хүүхэд хамгааллын чиглэлээр хамтын ажиллагааг өргөжүүлэх зорилгоор Ханнс Зайделийн Сан болон Нийслэлийн Хөвгүүдийн зөвлөл хамтран гишүүн сурагчид, ментор багш нартай уулзалт зохион байгууллаа.

2026 оны 9 дүгээр сарын 29-ний өдөр Ханнс Зайделийн сан болон Монгол Улсын Дотоод хэргийн их сургуулийн Хууль зүйн сургууль хамтран “Хөгжлийн бэрхшээлтэй хүний эрхийг хамгаалахад эрх зүйн тогтолцооны үүрэг: Хууль тогтоомж, шүүхийн практик, хүртээмж” сэдэвт эрдэм шинжилгээний хурлыг ДХИС-ийн “Генерал” танхимд зохион байгууллаа.

2026 оны 9 дүгээр сарын 26–27-ны өдрүүдэд “Хуулийн төсөл боловсруулах, холбогдох судалгаа хийх аргачлал” сэдэвт хоёр өдрийн танхимын сургалтыг ХБНГУ-ын Гадаад хэргийн яамны санхүүжилт, Ханнс Зайделийн сангийн дэмжлэгтэйгээр зохион байгууллаа. Сургалтыг Герман, Европын эрх зүйн төвийн санаачилгаар зохион байгуулж, хууль тогтоомж боловсруулах үйл явц болон түүнтэй холбоотой судалгаа, үнэлгээ, тооцооллын арга зүйн асуудлуудыг цогцоор нь авч үзсэн.

Ханнс Зайделийн сангийн Монгол дахь төлөөлөгчийн газар болон Шүүх шинжилгээний ерөнхий газар хамтран 2026 оны 9 дүгээр сарын 23–26-ны өдрүүдэд Хэнтий, Дорнод, Сүхбаатар аймгуудад бүсчилсэн сургалт, мэргэжлийн туршлага солилцох үйл ажиллагаа зохион байгууллаа.

Ханнс Зайделийн Сан (ХЗС)-гийн Монгол дахь Төлөөлөгчийн газар нь Монголын залуучуудын уур амьсгалын үйл хэрэг дэх бодит оролцоог нэмэгдүүлэх, чадавхжуулах цогц үйл ажиллагааг тууштай дэмжин ажиллаж байна. ХЗС нь Монгол улсын уур амьсгалын өөрчлөлтийн залуучуудын үндэсний чуулган буюу Залуучуудын орон нутгийн хурал (LCOY)-ийг зохион байгуулахад дэмжлэг үзүүлсэн бөгөөд уг арга хэмжээнд Улаанбаатар хот болон хөдөө орон нутгийн залуучууд уур амьсгалын тулгамдсан асуудлаар үзэл бодлоо хуваалцаж, мэдлэгээ гүнзгийрүүлсэн юм.