Дөрөвдүгээр сарын 28, 29-ний өдрүүдэд Ханнс-Зайделийн сангийн байранд зохион байгуулсан тус сургалтад Шүүхийн шинжилгээний үндэсний хүрээлэнгийн Экологийн лабораторийн шинжээч нар болон Улаанбаатар хотын 9 дүүргийн криминалистикийн шинжилгээний тасгийн нийт 16 шинжээч хамрагдлаа.

Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын албанаас ХБНГУ-ын Ханнс-Зайделийн сан, Дэлхийн байгаль хамгаалах сан (WWF)-ийн Монгол дахь хөтөлбөрийн газар, Сэлэнгэ аймгийн Иргэдийн Төлөөлөгчдийн Хуралтай хамтран “Хүрээлэн байгаа орчинд ээлтэй аялал жуулчлал ба гэмт хэрэг, зөрчлөөс урьдчилан сэргийлэх нь” сэдэвт салбар дундын хамтарсан зөвлөгөөнийг 2022.04.26-ны өдөр Хэнтий аймгийн Хэрлэн суманд зохион байгууллаа.

Ханнс-Зайделийн сангийн Монгол дахь суурин төлөөлөгч ноён Феликс Гленк өнөөдөр (2022.04.22) Монгол улсын Хүний эрхийн үндэсний комиссоор зочилж (ХЭҮК) зарим албаны хүмүүстэй уулзлаа.

Хууль зүй, дотоод хэргийн дэд сайд Б. Солонгоо, тус яамны хууль зүйн бодлогын газрын дарга Д. Цолмон, УИХ-ын нэр бүхий гишүүдээс бүрдсэн төлөөлөгчид өнгөрөгч долоо хоногт Ханнс-Зайделийн сангийн урилгаар ХБНГУ-д ажлын айлчлал хийлээ.