Ханнс-Зайделийн сан эрх зүйн сэтгэл судлалын чиглэлээр ажилладаг сэтгэл зүйчидтэй мэргэжлийн уулзалт зохион байгуулж, салбарын өнөөгийн нөхцөл байдал, тулгамдаж буй асуудал болон цаашдын хөгжлийн боломжийн талаар санал солилцов. Уулзалтын зорилго нь эрх зүйн сэтгэл судлалын практик үйл ажиллагааны талаар мэдээлэл авч, цаашдын хамтын ажиллагааны боломжуудыг тодорхойлоход оршлоо.

Арга хэмжээний хүрээнд ХБНГУ-ын Friedrich-Alexander Universität Erlangen–Nürnberg их сургуулийн профессор, сэтгэл судлаач Марк Штеммлер урилгаар оролцож, өсвөр насны хүүхдийн ёс суртахууны хөгжил, гэмт хэрэгт нөлөөлөх хүчин зүйлсийн талаар Герман улсын туршлага, судалгаа болон онолын ойлголтуудаас хуваалцав.

Ханнс-Зайделийн сан Монгол Улсын Шүүхийн шийдвэр гүйцэтгэх ерөнхий газрын Хорих ял эдлүүлэх алба болон Кристина Ноблийн Хүүхдийн сантай хамтран хорих байгууллагад ажиллаж буй сэтгэл зүйчид, нийгмийн ажилтнуудад зориулсан мэргэжлийн уулзалтыг зохион байгууллаа. Уулзалтын хүрээнд өсвөр үеийн гэмт хэргийн шалтгаан, сэтгэл зүйн дэмжлэг үзүүлэх арга барил, нийгэмшүүлэх боломжуудын талаар хэлэлцэв.

2026 оны 5 дугаар сарын 24-ний өдөр “Байгалиа хамгаалцгаая” хамтарсан аяны нээлтийн арга хэмжээ боллоо. Тус аян нь иргэдийн байгаль орчны талаарх мэдлэг, ойлголтыг нэмэгдүүлэх, экологийн боловсролыг дэмжих, байгалийн нөөц баялгийг хамгаалах хариуцлагыг төлөвшүүлэх зорилготой юм.

2026 оны 5 дугаар сарын 22-ны өдөр хууль тогтоомж боловсруулах аргачлалын шинэчилсэн төслийн талаар олон нийтийн хэлэлцүүлэг зохион байгуулагдлаа. Хууль зүй, дотоод хэргийн сайдын байгуулсан ажлын хэсэг Хууль тогтоомжийн тухай хуулийн 12 дугаар зүйлийн 12.1-т заасан аргачлалуудын шинэчилсэн төслийг танилцуулж, тэдгээрийн зорилго, агуулга болон хэрэгжүүлэх боломжийн талаар мэдээлэл өгсөн юм.

Ханнс-Зайделийн сан болон Кристина Ноблийн Хүүхдийн сан нь хүүхэд, залуучуудын хөгжил, сайн сайхны төлөө чиглэсэн олон төсөл, хөтөлбөрийг хамтран хэрэгжүүлсээр ирсэн. Энэ удаагийн хамтын ажиллагааны хүрээнд Насанд хүрээгүйчүүдэд зориулсан сургалт, хүмүүжлийн тусгай байгууллагын ажилтнуудад зориулсан сургалтыг зохион байгуулж, ажлын орчинд тулгардаг сэтгэл зүйн ачаалал, сорилтуудын талаар хэлэлцлээ.

Хүүхдэд ээлтэй, хүний эрхэд суурилсан шүүхийн тогтолцоог бүрдүүлэхэд зөвхөн эрх зүйн орчин хангалтгүй бөгөөд мэргэжлийн ур чадвартай боловсон хүчин, эерэг байгууллагын соёл, хүүхдийн хэрэгцээ шаардлагыг ойлгох мэдлэг, хандлага чухал үүрэгтэй. Энэ хүрээнд Ханнс-Зайделийн сан болон Монгол Улсын Шүүхийн ерөнхий зөвлөл хамтран шүүхийн ажилтнуудад зориулсан сургалт зохион байгууллаа.

Ханнс Зайделийн Сан, Монгол Улсын Их Сургуулийн Хууль Зүйн Сургууль болон Герман-Европын Эрх Зүйн Төв хамтран “Хүний эрхийн чиглэлээр ажилладаг хуульчдын байгууллагын орчин ба сэтгэл зүйн нөхцөл байдал” сэдвээр ХБНГУ-ын Эрланген-Нюрнбергийн Их Сургуулийн профессор, сэтгэл судлаач Марк Стеммлертэй хамтарсан уулзалтыг амжилттай зохион байгууллаа.

2026 оны 5 дугаар сарын 8–10-ны өдрүүдэд ХБНГУ-ын Франкфурт хотноо “Nomaden der Moderne: Zentralasien, Mongolei und Burjatien im Fokus” сэдэвт олон улсын семинар амжилттай зохион байгуулагдлаа. Тус арга хэмжээ нь Төв Ази, Монгол болон Буриадын түүх, соёл, нийгэм, улс төрийн өөрчлөлтүүдийг олон өнцгөөс хэлэлцэх зорилготой байв.

Ханнс Зайделийн сангийн дэмжлэгтэйгээр, Youth Empowerment in Climate Action Platform (YECAP) болон UNDP Mongolia-тай хамтран “ҮТХН 3.0 хэрэгжилтэд залуучуудын оролцоо, манлайллыг нэмэгдүүлэх нь” зөвлөлдөх уулзалтыг амжилттай зохион байгууллаа.