Сургалт
Ханнс-Зайделийн Сан болон Шүүхийн ерөнхий зөвлөлөөс шүүхийн захиргааны ажилтнуудад “Эерэг соёл” сургалт зохион байгууллаа

Ханнс-Зайделийн Сан нь Монгол Улсад 33 жилийн турш захиргааны эрх зүйг хөгжүүлэх, хүний эрхэд суурилсан эрх зүйн орчныг төлөвшүүлэх чиглэлээр тасралтгүй хамтран ажиллаж ирсэн. Тэр дундаа гэр бүл,  шүүх байгуулагдаж буй энэ үед хүүхэд хамгаалал болон хүүхэдтэй ажилладаг хууль, эрх зүйн салбарын албан хаагчдын мэдлэг, ур чадварыг нэмэгдүүлэхэд онцгойлон анхаарч байна.

Энэ удаад Ханнс-Зайделийн Сан нь Шүүхийн ерөнхий зөвлөлтэй хамтран Дүүргийн эрүү, иргэний хэргийн хялбар ажиллагааны тойргийн  тамгын газрын  захиргааны албан хаагчдад зориулсан “Эерэг соёл” сэдэвт сургалтыг амжилттай зохион байгууллаа.

Сургалтад ХБНГУ-ын Erlangen–Nürnberg их сургуулийн профессор, сэтгэл судлаач Марк Стеммлер оролцож, гэмт хэрэгт холбогдсон насанд хүрээгүй хүний сэтгэл  оношилгоо, хүүхдийн онцлог хэрэгцээг ойлгох арга зүйн талаар үнэ цэнтэй мэдлэг, туршлага хуваалцав. Мөн хувь хүний хөгжил, ажлын ачаалал ба амьдралын тэнцвэр, байгууллагын эерэг соёлыг хэрхэн бүрдүүлэх тухай оролцогчидтой нээлттэй ярилцсан нь сургалтын онцлох хэсэг байлаа.