Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Хүний эрхийн чиглэлээр ажиллаж буй хуульчдын сэтгэлзүйн байдлын талаарх уулзалт зохион байгуулагдлаа

Уулзалт
Хүний эрхийн чиглэлээр ажиллаж буй хуульчдын сэтгэлзүйн байдлын талаарх уулзалт зохион байгуулагдлаа

Ханнс Зайделийн Сан, Монгол Улсын Их Сургуулийн Хууль Зүйн Сургууль болон Герман-Европын Эрх Зүйн Төв хамтран “Хүний эрхийн чиглэлээр ажилладаг хуульчдын байгууллагын орчин ба сэтгэл зүйн нөхцөл байдал” сэдвээр ХБНГУ-ын Эрланген-Нюрнбергийн Их Сургуулийн профессор, сэтгэл судлаач Марк Стеммлертэй хамтарсан уулзалтыг амжилттай зохион байгууллаа.

Тус уулзалтаар хүний эрхийн чиглэлээр ажиллаж буй хуульчдын байгууллагын орчин, ажлын ачаалал, сэтгэл зүйн нөхцөл байдал, мэргэжлийн стресс, сэтгэл зүйн эрүүл мэндийн тулгамдсан асуудлуудын талаар сонирхолтой илтгэл, хэлэлцүүлэг өрнөв.

Мөн Монгол Улсад Гэр бүл, хүүхдийн шүүх байгуулагдсантай холбоотойгоор насанд хүрээгүй хүний гэмт хэрэг үйлдэх шалтгаан, сэтгэл зүйн онцлог, урьдчилан сэргийлэх арга замын талаар санал солилцож, хүний эрхийн салбар дахь хуульчид, судлаачдын сэтгэл зүйн тогтвортой байдлыг дэмжих, эрүүл ажлын орчныг бүрдүүлэх чиглэлээр олон улсын туршлага, хамтын ажиллагааны боломжийн талаар хэлэлцлээ.

Энэхүү арга хэмжээ нь хүний эрхийн чиглэлээр ажиллаж буй мэргэжилтнүүдийн сэтгэл зүйн нөхцөл байдалд анхаарал хандуулах, мөн хүүхэд, гэр бүлийн эрх зүйн хамгаалалтын чиглэлээр олон улсын туршлага судлах, эрдэм шинжилгээ, судалгааны хамтын ажиллагааг өргөжүүлэхэд чухал ач холбогдолтой арга хэмжээ боллоо.