Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Төв Азийг шинээр танихуй, “Орчин үеийн нүүдэлчид: Төв Ази, Монгол болон Буриад орон” семинар Франкфурт хотноо зохион байгуулагдлаа

Семинар
Төв Азийг шинээр танихуй, “Орчин үеийн нүүдэлчид: Төв Ази, Монгол болон Буриад орон” семинар Франкфурт хотноо зохион байгуулагдлаа

2026 оны 5 дугаар сарын 8–10-ны өдрүүдэд ХБНГУ-ын Франкфурт хотноо “Nomaden der Moderne: Zentralasien, Mongolei und Burjatien im Fokus” сэдэвт олон улсын семинар амжилттай зохион байгуулагдлаа. Тус арга хэмжээ нь Төв Ази, Монгол болон Буриадын түүх, соёл, нийгэм, улс төрийн өөрчлөлтүүдийг олон өнцгөөс хэлэлцэх зорилготой байв.

Семинарын хүрээнд Узбекистан, Тажикистан, Казахстан, Монгол, Буриад болон Армен улсын түүхэн хөгжил, орчин үеийн нийгмийн өөрчлөлт, үндэсний онцлог, постсоциалист шилжилтийн асуудлуудыг танилцуулж, оролцогчид бүс нутгийн талаарх нийтлэг ойлголт, хэвшмэл төсөөллийг хамтдаа эргэцүүлэн хэлэлцэв.

Монгол Улсын тухай илтгэлийг Ханнс-Зайделийн сангийн тэтгэлэгт хөтөлбөрийн төгсөгчид болон оролцогчид танилцуулж, Монголын нүүдлийн соёл, нийгмийн өөрчлөлт, орчин үеийн хөгжлийн сорилтуудын талаар ярилцлаа.

Мөн арга хэмжээний үеэр оролцогчид Узбекистан улсын консулын газартай танилцаж, соёлын хөтөлбөр, кино үдэш, танин мэдэхүйн тоглоомын тэмцээн зэрэг интерактив үйл ажиллагаанд оролцов.

Энэхүү семинар нь бүс нутаг хоорондын харилцан ойлголцлыг нэмэгдүүлэх, залуу судлаачид болон тэтгэлэгт оролцогчдын солилцоог дэмжих, Төв Азийн талаарх мэдлэгийг өргөжүүлэхэд чухал хувь нэмэр орууллаа.