Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Байгаль орчны боловсрол, ухамсрыг нэмэгдүүлэх хамтарсан аян эхэллээ

Нээлтийн арга хэмжээ
Байгаль орчны боловсрол, ухамсрыг нэмэгдүүлэх хамтарсан аян эхэллээ

2026 оны 5 дугаар сарын 24-ний өдөр “Байгалиа хамгаалцгаая” хамтарсан аяны нээлтийн арга хэмжээ боллоо. Тус аян нь иргэдийн байгаль орчны талаарх мэдлэг, ойлголтыг нэмэгдүүлэх, экологийн боловсролыг дэмжих, байгалийн нөөц баялгийг хамгаалах хариуцлагыг төлөвшүүлэх зорилготой юм.

“Иргэн бүр байгаль хамгаалагч” уриан дор хэрэгжиж буй энэхүү аяныг Монгол Улсын Гэмт хэргээс урьдчилан сэргийлэх ажлыг зохицуулах зөвлөл, Экологийн цагдаагийн алба болон Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран эхлүүллээ. Аяны хүрээнд олон нийтэд чиглэсэн мэдээлэл, сургалт, нөлөөллийн ажлуудыг зохион байгуулж, байгаль орчноо хамгаалах үйлсэд иргэдийн оролцоог нэмэгдүүлэхээр төлөвлөж байна.

 

Нээлтийн арга хэмжээний үеэр байгаль орчныг хамгаалахад иргэн бүрийн оролцоо, хариуцлага чухал болохыг онцлон тэмдэглэв. Түүнчлэн байгаль орчны боловсролыг түгээн дэлгэрүүлэх, байгаль хамгааллын үйл ажиллагааг дэмжих, байгаль орчны хууль тогтоомжийн хэрэгжилтийг сайжруулахын тулд төрийн байгууллага, боловсролын байгууллага, иргэний нийгэм болон иргэдийн хамтын ажиллагаа чухал болохыг оролцогчид онцолсон юм.

Ханнс-Зайделийн сан нь Монгол Улсад байгаль орчны эрх зүй, байгаль орчны засаглал болон экологийн боловсролын чиглэлээр үйл ажиллагаагаа тууштай хэрэгжүүлсээр байна. Ийм төрлийн санаачилга, хамтын ажиллагааг дэмжих замаар тогтвортой хөгжлийг ахиулах, байгаль орчинд хариуцлагатай хандах хандлагыг төлөвшүүлэхэд хувь нэмрээ оруулж байна.