НҮБ-ын Уур амьсгалын COP30 бага хурал 2025 онд Бразил улсын Белем хотод зохион байгуулагдаж, дэлхийн улс орнуудын засгийн газрын төлөөлөгчид, олон улсын байгууллагууд, иргэний нийгмийн төлөөллүүдийг нэг дор цуглууллаа. Тус хурлын хүрээнд Дасан зохицох дэлхийн зорилт (Global Goal on Adaptation – GGA), уур амьсгалын санхүүжилт, хохирол ба алдагдал, мөн уур амьсгалд тэсвэртэй хөгжлийн шударга шилжилтийн асуудлуудыг хэлэлцсэн юм.

Ханнс-Зайделийн сангаас МУИС-ийн Экологийн боловсролын төвөөс хэрэгжүүлдэг “Өсвөр үеийнхэн: Байгаль орчин ба хууль” төслийг 2022 оноос эхлэн дэмжсэн бөгөөд 2025 онд дөрөв дэх жилдээ амжилттай хэрэгжиж өндөрлөлөө. Уг төсөл нь өсвөр үеийнхэнд байгаль орчны талаарх мэдлэг, хууль эрх зүйн суурь ойлголтыг олгож, хариуцлагатай, байгальд ээлтэй иргэн болгон төлөвшүүлэхэд чиглэсэн чухал санаачилга юм.

Хүрээлэн буй орчны эсрэг гэмт хэргээс урьдчилан сэргийлэх дэд зөвлөлийн 2025 оны ажлын төлөвлөгөөний хүрээнд Нийслэлийн хэмжээнд Ерөнхий боловсролын сургуулиудын “Эко клуб”-ийн үйл ажиллагааг идэвхжүүлэх, тогтмолжуулах олон талт ажлыг амжилттай зохион байгууллаа. Уг ажлыг Монгол дахь Ханнс-Зайделийн сангийн санхүүгийн дэмжлэгтэйгээр болон хамтын ажиллагааны хүрээнд хэрэгжүүлсэн бөгөөд нутаг дэвсгэр хариуцсан цагдаагийн байгууллагад зөвлөмж төлөвлөгөөг хүргүүлж, сургалт, арга хэмжээний хэрэгжилтийг ханган ажилласан.

Монгол Улсын тусгай хамгаалалттай газар нутгийн хамгаалалтын захиргаадын үндэсний зөвлөлдөх уулзалт 2025 оны 12 дугаар сарын 3–5-ны өдрүүдэд Улаанбаатар хотод амжилттай зохион байгуулагдаж өндөрлөлөө. Уулзалт Шангри-Ла Imax театр, Блю Скай зочид буудал зэрэг байршлуудад өрнөж, салбарын 100 гаруй төлөөлөл бодлого, санхүүжилт, менежмент болон хамгаалагчдын эрх зүйн орчны талаар өргөн хүрээний санал солилцлоо.

2025 оны 11 дүгээр сарын 29 болон 30-ны өдрүүдэд “Хэлэлцээрийн ур чадвар ба зөрчил шийдвэрлэх орчин үеийн арга зүй” сэдэвт хоёр өдрийн гүнзгийрүүлсэн сургалт амжилттай зохион байгуулагдаж, оролцогчид олон улсын түвшний аргачлал, дадлагад суурилсан хөтөлбөрөөр мэдлэг, ур чадвараа хөгжүүлэв. Сургалтын хөтөлбөр нь зөрчлийн мөн чанарыг ойлгох, талуудын ашиг сонирхлыг тодорхойлох, хэлэлцээрийн стратеги боловсруулах, бодит нөхцөлд хэрэгжүүлэх симуляцийн аргачлалыг багтааснаараа онцлог байлаа.

Ханнс-Зайделийн Сангийн Монгол дахь төлөөлөгчийн газар нь Германы Гадаад Хэргийн Яамтай (ГХЯ)-ны санхүүжилтээр Монгол Улсын хууль тогтоох үйл ажиллагаа болон парламентын процедурын хэргэжилжилтийг нэмэгдүүлэх шинэ төслийг эхлүүллээ. Энэхүү төсөл нь Монгол Улсад хэрэгжиж буй хууль эрх зүйн хоёр дахь томоохон шинэчлэлийн хүрээнд Хууль зүй, дотоод хэргийн яам, Монгол Улсын Их Хурлын Тамгын газар, Монгол Улсын Их Сургуулийн Хууль зүйн сургуулийн дэргэдэх Герман, Европын эрх зүйн төв (ZDER) зэрэг байгууллагуудын дэмжлэгтэй хэрэгжинэ.

Ханнс Зайделийн сангийн Монгол дахь төлөөлөгчийн газар Шүүхийн шийдвэр гүйцэтгэх ерөнхий газрын хорих ял эдлүүлэх албаны сургалт, нийгэм, сэтгэл зүйн хэлтсийн дарга, хошууч Т.Галбадрах болон тус хэлтсийн ахлах мэргэжилтэн, ахмад С.Лхагважав нартай уулзалт хийлээ.

Бавари-Монголын тэтгэлэгт хөтөлбөрт хамрагдсан анхны судлаач ажлаа тайлагнаж байна ХБНГУ-ын Бавари муж улсын Засгийн газрын хэрэг эрхлэх газрын санхүүжилтээр хэрэгжиж буй эрх зүй, байгаль орчны чиглэлээр судалгааны ажил хийх тэтгэлэгт хөтөлбөрийн анхны оролцогч Олон улсын хөгжлийн эрх зүйн байгууллага (IDLO)-ын хөтөлбөрийн удирдагч хатагтай Н.Одонтуяа нотолгоонд суурилсан насанд хүрээгүйчүүдийн эрүүгийн эрх зүйн сэдвээр Бавари муж улсад хоёр сарын хугацаатай судалгааны ажил хийлээ. Тэрээр судалгааны ажлаа Мюнхен дэхь Хүнд гэмт хэргийн анхан шатны Нэгдүгээр шүүхийн шүүгч бөгөөд Хэвлэл, олон нийттэй харилцах хэлтсийн дарга доктор Лоран Лафлёр-ын удирдлага дор гүйцэтгэлээ.

2025 оны 11 дүгээр сарын 27-ны өдөр Шүүхийн шинжилгээний ерөнхий газарт “Монгол орны зонхилох мод, сөөг ургамлыг таньж тодорхойлох, экологи-эдийн засгийн үнэлгээ” нэртэй шинэхэн бүтээлийн нээлт болж өндөрлөлөө.

Хууль, байгаль орчны салбарын залуу мэргэжилтнүүдийг дэмжих шинэ боломж Ханнс Зайделийн Сангийн Монгол дахь төлөөлөл болон Баварийн Төрийн Канцлерын газар Монгол Улстай хамтран Хууль, Байгаль орчны чиглэлийн судалгааны богино хугацааны тэтгэлгийн хөтөлбөрийг эхлүүллээ. Уг санаачилга нь Монголын оюутан, судлаач, залуу мэргэжилтнүүдийг Баварид судалгааны ажлаар ажиллах боломж, герман хэлний сургалт (A1–B2), мөн Монголын Үндэсний Их Сургууль дахь Германы болон Европын Хуулийн Төв (ZDER)-тэй хамтарсан академик үйл ажиллагаагаар дэмжих зорилготой. Хөтөлбөр нь Монголд хэрэгжиж буй хууль зүйн шинэчлэл болон байгаль орчны засаглалын үйл явцыг бэхжүүлэхийн зэрэгцээ Баварийн байгууллагуудын туршлага, шилдэг арга хэрэгслүүдтэй холбож өгнө. Анхны судлаачид 2025 оны намраас судалгааны ажлаа эхлүүлж, үр дүнг Монголд семинар, хэвлэлийн нийтлэл хэлбэрээр түгээх болно.