2025 оны 12 дугаар сарын 23-ны өдөр Хуульчдын ордны 17 давхарт “Монгол улс Ром-Германы эрх зүйн тогтолцоонд хамаарах нь” сэдэвт эрдэм шинжилгээний хурал амжилттай зохион байгуулагдлаа.

Ханнс-Зайделийн сангийн 2025 оны үндэсний тэтгэлэг хүртэгч Лхагвадоржийн Баярдэлгэр “Залуусыг байгаль орчны бодлогод оролцуулах нь: Герман ба Монгол дахь залуусын уур амьсгалын хөдөлгөөний харьцуулсан судалгаа” сэдвээр судалгаа хийж, үр дүнгээ тайлан хэлбэрээр боловсрууллаа.

Ханнс Зайделийн сангийн (ХЗС) Монгол дахь төлөөлөгчийн газрын дэмжлэгтэйгээр НҮБ-ын Нийгэмлэг (UNA Mongolia) болон Үндэсний байгаль орчны залуучуудын зөвлөл (NEYC) хамтран хэрэгжүүлсэн UNCCD Young Ambassadors Program буюу НҮБ-ын Цөлжилттэй тэмцэх конвенцын Залуу элч хөтөлбөр 2025 оны 11–12 дугаар сард амжилттай хэрэгжиж, хаалтаа хийлээ.

НҮБ-ын Уур амьсгалын COP30 бага хурал 2025 онд Бразил улсын Белем хотод зохион байгуулагдаж, дэлхийн улс орнуудын засгийн газрын төлөөлөгчид, олон улсын байгууллагууд, иргэний нийгмийн төлөөллүүдийг нэг дор цуглууллаа. Тус хурлын хүрээнд Дасан зохицох дэлхийн зорилт (Global Goal on Adaptation – GGA), уур амьсгалын санхүүжилт, хохирол ба алдагдал, мөн уур амьсгалд тэсвэртэй хөгжлийн шударга шилжилтийн асуудлуудыг хэлэлцсэн юм.

Ханнс-Зайделийн сангаас МУИС-ийн Экологийн боловсролын төвөөс хэрэгжүүлдэг “Өсвөр үеийнхэн: Байгаль орчин ба хууль” төслийг 2022 оноос эхлэн дэмжсэн бөгөөд 2025 онд дөрөв дэх жилдээ амжилттай хэрэгжиж өндөрлөлөө. Уг төсөл нь өсвөр үеийнхэнд байгаль орчны талаарх мэдлэг, хууль эрх зүйн суурь ойлголтыг олгож, хариуцлагатай, байгальд ээлтэй иргэн болгон төлөвшүүлэхэд чиглэсэн чухал санаачилга юм.

2025 оны 12 дугаар сарын 11-нд “Монгол улсын эрх зүйн тогтолцооны төлөвшил ба хууль боловсруулах, хэрэгжилтийн үр нөлөөг дээшлүүлэх нь” эрдэм шинжилгээний бага хурал зохион байгуулагдлаа.

Хүрээлэн буй орчны эсрэг гэмт хэргээс урьдчилан сэргийлэх дэд зөвлөлийн 2025 оны ажлын төлөвлөгөөний хүрээнд Нийслэлийн хэмжээнд Ерөнхий боловсролын сургуулиудын “Эко клуб”-ийн үйл ажиллагааг идэвхжүүлэх, тогтмолжуулах олон талт ажлыг амжилттай зохион байгууллаа. Уг ажлыг Монгол дахь Ханнс-Зайделийн сангийн санхүүгийн дэмжлэгтэйгээр болон хамтын ажиллагааны хүрээнд хэрэгжүүлсэн бөгөөд нутаг дэвсгэр хариуцсан цагдаагийн байгууллагад зөвлөмж төлөвлөгөөг хүргүүлж, сургалт, арга хэмжээний хэрэгжилтийг ханган ажилласан.

Монгол Улсын тусгай хамгаалалттай газар нутгийн хамгаалалтын захиргаадын үндэсний зөвлөлдөх уулзалт 2025 оны 12 дугаар сарын 3–5-ны өдрүүдэд Улаанбаатар хотод амжилттай зохион байгуулагдаж өндөрлөлөө. Уулзалт Шангри-Ла Imax театр, Блю Скай зочид буудал зэрэг байршлуудад өрнөж, салбарын 100 гаруй төлөөлөл бодлого, санхүүжилт, менежмент болон хамгаалагчдын эрх зүйн орчны талаар өргөн хүрээний санал солилцлоо.

2025 оны 11 дүгээр сарын 29 болон 30-ны өдрүүдэд “Хэлэлцээрийн ур чадвар ба зөрчил шийдвэрлэх орчин үеийн арга зүй” сэдэвт хоёр өдрийн гүнзгийрүүлсэн сургалт амжилттай зохион байгуулагдаж, оролцогчид олон улсын түвшний аргачлал, дадлагад суурилсан хөтөлбөрөөр мэдлэг, ур чадвараа хөгжүүлэв. Сургалтын хөтөлбөр нь зөрчлийн мөн чанарыг ойлгох, талуудын ашиг сонирхлыг тодорхойлох, хэлэлцээрийн стратеги боловсруулах, бодит нөхцөлд хэрэгжүүлэх симуляцийн аргачлалыг багтааснаараа онцлог байлаа.