Уул уурхайн салбар Монгол улсын дотоодын нийт бүтээгдэхүүний 25.8 хувь, Экспортын 92 хувийг (2024 оны 3-р улирлын байдлаар) бүрдүүлдэг эдийн засгийн тулгуур салбарын нэг билээ. Гэвч нөгөө талдаа ашигт малтмал хууль бусаар хайх, ашиглах, олборлох, зөвшөөрөлгүй уул уурхайн үйл ажиллагаа эрхлэх асуудлууд байгаль орчинд ихээхэн сөргөөр нөлөөлдөг бөгөөд хууль бус ашигт малтмал олборлох гэмт хэрэг байгаль орчны эсрэг үйлдэгддэг нийт гэмт хэргийн 24.2 хувийг эзэлж байна.

Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ойг угтан 2024.11.19-ний өдөр Монгол Улсын Их Хурлаас ХБНГУ-ын Ханнс-Зайделийн сантай хамтран “Парламентын хяналтыг үр дүнтэй хэрэгжүүлэх нь” чуулга уулзалтыг зохион байгууллаа.

Хууль зүй, дотоод хэргийн яамнаас МУИС-ийн Хууль зүйн сургуулийн Герман-Европын эрх зүйн төвтэй хамтран энэ оны 11-р сарын 18-ний өдөр “Монголын эрх зүйн шинэтгэлийн шинэ үе шат” онол, практикийн хэлэлцүүлгийг зохион байгууллаа. Хэлэлцүүлэгт хууль тогтоох, гүйцэтгэх, шүүх эрх мэдлийн төрийн байгууллагын төлөөлөл болон эрдэмтэн судлаачид, салбарын мэргэжилтнүүд нийт 120 гаруй оролцогч үндэсний эрх зүйн тогтолцоог боловсронгуй болгох асуудлаар хэлэлцүүлэг өрнүүлэв.

Хууль сахиулах байгууллагуудын хамтын ажиллагаагаар дамжуулан Биологийн олон янз байдлыг хадгалан хамгаалах зорилго бүхий байгаль орчны эрх зүйн төслийн хүрээнд Ханнс-Зайделийн сан ЦЕГ-н Экологийн цагдаагийн албатай 2022 оноос хойш хамтран ажиллаж байгаа билээ

Энэ оны 11 дүгээр сарын 26-ны өдөр Монгол Улс анхдугаар үндсэн хуулиа баталж, бүгд найрамдах улсаа тохинуулсны 100 жилийн ой тохиож байна. Түүхэн энэхүү ой нь Үндсэн хуулийнхаа туулж өнгөрүүлсэн түүхийг эргэн харж, хөгжил дэвшлийг нь үнэлж цэгнэхийн хажуугаар өнөөгийн сорилт, ирээдүйн чиг хандлагын талаар дүгнэн ярилцах нэгэн онцгой завшаан юм.

Хэвлэл Мэдээллийн Зөвлөлөөс цаг үеийн асуудлуудтай холбогдуулан редакторуудын зөвлөлдөх уулзалтыг зохион байгуулдаг билээ. Энэ удаагийн зөвлөлдөх уулзалтыг “Засаглалд гүйцэтгэх сэтгүүл зүйн үүрэг зөвхөн хянах байх уу?” сэдвийн хүрээнд Ханнс-Зайделийн сангийн дэмжлэгээр 10 дугаар сарын 30-ны өдөр зохион байгууллаа.

Монголын Хуульчдын холбоо, Шүүхийн сахилгын хорооноос санаачлан “Хуульчийн ёс зүйн асуудал, шинэчлэл” сэдэвт хуульчдын симпозиумыг 2024 оны 11 дүгээр сарын 06-ны өдөр зохион байгуулсан бөгөөд Ханнс Зайделийн сан уг арга хэмжээг дэмжин оролцлоо.

Ханнс Зейделийн сангийн Монгол дахь төлөөлөгчийн газар, Стратегийн судалгааны институт болон Солонгосын HSF хамтран "Хойд-Зүүн Азиийн аюулгүй байдал ба энх тайван: сорилт ба шийдлүүд" сэдэвт семинар зохион байгууллаа. Энэ арга хэмжээ нь Солонгос, Япон, Хятад, Монгол, Герман зэрэг олон орны мэргэжилтнүүдийг цуглуулж, аюулгүй байдлын тулгамдсан асуудлуудыг хэлэлцэж, бүс нутагт хамтын ажиллагааны боломжуудыг судлахад чиглэсэн билээ.