Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Төв Азийн шувуудын нүүдлийн зам

Олон улсын хурал
Төв Азийн шувуудын нүүдлийн зам

Нүүдлийн шувуудыг хууль бусаар барих, агнах, наймаалах нь Төв Азийн шувуудын нүүдлийн замыг хамгаалахад учирдаг томоохон сорилт бэрхшээлийн нэг билээ. Хэдийгээр байгаль орчныг хамгаалах санаачлагууд, хууль эрх зүйн орчин сайжирч байгаа хэдий ч дээрх сорилтууд нүүдлийн шувуудын зам дахь амьдрах орчинд заналхийлж, түүнчлэн тэдгээрт хамаарах экосистемийн тэнцвэрт байдлыг алдагдахад хүргэж байна. Иймд Төв Азийн шувуудийн нүүдлийн замын сүлжээ (CAF) нь өргөн хүрээнд хамтарч ажиллахыг чухалчилж байна.

Энэ хүрээнд олон улсын хамтын ажиллагааг сайжруулж, олон нийтийн мэдлэгийг дээшлүүлэх зорилгоор Ханнс-Зайделийн сан Монгол улсын Байгаль орчин, уур амьсгалын өөрчлөлтийн яам болон Зэрлэг амьтан судлах, хамгаалах төвтэй (WSCC) хамтран 2024 оны 7 сарын 19 –ны өдөр “Төв Азийн нүүдлийн шувуудыг хууль бусаар барих, агнах, наймаалах, болон дэд бүтцийн хөгжилтэй холбоотой асуудлууд” сэдэвт олон улсын хурлыг цахим, танхим хослуулсан хэлбэрээр Улаанбаатар хотод зохион байгууллаа. Хурлыг нээж БОУАӨЯ-ны Байгалийн нөөцийн бодлого зохицуулалтын газрын мэргэжилтэн Жудаагийн Мөнхдөш, Ханнс-Зайделийн сангийн Монгол дахь суурин төлөөлөгчийн газрын (HSF) тэргүүн ноён Felix Glenk, болон Зэрлэг амьтан судлах хамгаалах төвийн захирал Б.Нямбаяр мэндчилгээ дэвшүүлэв.

 

Тус хуралд Киргиз (БНКУ), Казахстан (БНКУ), Узбекистан, БНЭУ, БНХЯУ, Монгол улсын мэргэжилтнүүд, болон Зэрлэг амьтны нүүдлийн зүйлүүдийг хамгаалах олон улсын гэрээ конвенцийн төлөөлөл оролцож,  турлага мэдлэгээ хуваалцан, судалгааны ажлаа танилцууллаа.

 

Зургийн цомог