Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Хөвсгөл аймгийн эрх зүйн хөтөч нар мэдлэгээ дээшлүүллээ

Орон нутгийн сургалт
Хөвсгөл аймгийн эрх зүйн хөтөч нар мэдлэгээ дээшлүүллээ

2018 оны “Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд төрийн болон төрийн бус байгууллагууд өөрийн чиг үүргийн хүрээнд иргэдэд зориулж тусгайлан бэлтгэгдсэн эрх зүйн хөтчийг томилох үүрэг хүлээсэн. Эрх зүйн хөтчөөр томилогдсон ажилтнууд 2018 оноос эхлэн аймаг болон нийслэлд жил бүр шаталсан сургалтад хамрагдаж байна.

Уг үйл ажиллагааг гардан зохион байгуулах үүргийг Хууль зүйн үндэсний хүрээлэн хүлээдэг.

Эрх зүйн хөтчийг чадавхжуулах сургалтыг Хөвсгөл аймагт 2022 оны 12-р сарын 12-ноос 14-ний өдрүүдэд зохион байгууллаа. Сургалтыг байгаль орчны хууль, эрх зүйн чиглэлээр Ханнс-Зайделийн сангийн дэмжлэгтэйгээр шинээр боловсруулсан хөтөлбөрийн дагуу хууль зүйн ухааны судлаач, багш нар удирдан явууллаа.

Сургалтад хамрагдсан эрх зүйч нар байгаль орчны салбарын олон улсын болон үндэсний хууль тогтоомжийн талаарх шинэ мэдлэгтээ тулгуурлан нийт иргэдийн эрх зүйн боловсролыг дээшлүүлэхэд хувь нэмрээ оруулах юм.