Харилцан яриа, итгэлцэл
Төв, Зүүн хойд Азийн бүс нутгийн хамтын ажиллагааны боломжууд
Тус семинарт Монгол, БНХАУ, Япон, БНСУ, Казахстан, Киргизстан, Герман болон Польш улсын эрдэмтэн судлаачид, бодлого судлалын мэргэжилтнүүд оролцож, Зүүн хойд Азийн бүс нутгийн хамтын ажиллагаа, итгэлцлийг бэхжүүлэх арга замууд болон яриа хэлэлцээний боломжийн талаар санал бодлоо солилцов. Оролцогчид түүхэн өв, үндэсний үзэл баримтлал, өнөөгийн геополитикийн нөхцөл байдал нь бүс нутгийн хамтын ажиллагаанд ямар боломж, сорилтуудыг бий болгож буйг хэлэлцлээ.
Үндэсний илтгэлүүд, нэгдсэн хэлэлцүүлгүүд болон сэдэвчилсэн ажлын хэсгүүдийн хүрээнд оролцогчид итгэлцлийг бэхжүүлэх, бодит хамтын ажиллагааг өргөжүүлэх боломжуудыг судалж, Европын орнууд бүс нутгийн яриа хэлэлцээнд хэрхэн бүтээлч түнш байж болох талаар санал солилцов. Хэлэлцүүлгүүд нь бүс нутгийн нийтлэг сорилтуудыг даван туулах, харилцан ойлголцлыг гүнзгийрүүлэхэд эрдэм шинжилгээний болон бодлогын түвшний тогтвортой хамтын ажиллагаа, солилцооны ач холбогдлыг онцоллоо.
Энэхүү семинар нь урт хугацааны хамтын ажиллагааны эхлэлийг тавьж, хамтарсан эрдэм шинжилгээний бүтээл боловсруулах, мөн энэ оны сүүлээр Германд зохион байгуулагдах үргэлжлүүлсэн судалгааны айлчлалын бэлтгэлийг хангах суурь болж байна.
ХЗС-ийн Монгол, Бээжин болон Төв Азийн төлөөлөгчийн газрууд семинарт илтгэл тавьж, мэдлэг туршлагаа хуваалцсан бүх судлаач, шинжээч, оролцогчдод чин сэтгэлийн талархал илэрхийлж, бүс нутаг хоорондын харилцан ойлголцол, яриа хэлэлцээг бэхжүүлэх үйл хэрэгт оруулж буй хувь нэмрийг нь өндрөөр үнэлж байна.