Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. БНСУ-ын Сөүл хотод хийсэн туршлага солилцох болон хамтын ажиллагааг өргөжүүлэх уулзалтууд

Зочлолт
БНСУ-ын Сөүл хотод хийсэн туршлага солилцох болон хамтын ажиллагааг өргөжүүлэх уулзалтууд

БНСУ-ын Сөүл хотод туршлага солилцох болон хамтын ажиллагааг өргөжүүлэх чиглэлийн уулзалтууд амжилттай зохион байгуулагдлаа. Энэхүү уулзалтууд нь эрх зүйн тогтолцооны харьцуулсан шинжилгээ, Үндсэн хуулийн хяналтын талаар туршлага судлах болон олон улсын хамтын ажиллагааг өргөжүүлэх зорилготой байв.

Уулзалтад Hanns-Seidel-Stiftung-ийн Солонгосын хойг болон Монгол Улсыг хариуцсан шинэ төлөөлөгч Felix J. Glenk, мөн Монгол болон БНСУ дахь Hanns-Seidel-Stiftung-ийн төлөөлөгчид оролцов.

Энэ хүрээнд БНСУ-ын Дээд шүүхэд олон улсын хамтын ажиллагаа, шүүхийн бүтэц, үйл ажиллагааны талаар санал солилцох уулзалт зохион байгуулагдлаа. Уулзалтад Дээд шүүхийн Олон улсын харилцааны хэлтсийн дарга, шүүгч Jiyong Jang, Дэд дарга Dr. Kim Eun Sil болон холбогдох албан тушаалтнууд оролцож, шүүхийн хараат бус байдал, хууль хэрэглээний нэгдмэл байдал, олон улсын шүүхийн хамтын ажиллагааны асуудлуудыг хэлэлцэв. Мөн Монголын шүүхийн тогтолцооны хөгжил, Hanns-Seidel-Stiftung-ийн Монгол дахь үйл ажиллагаа, Германтай хамтарсан төслүүд болон Монгол Улсын Дээд шүүхийн 100 жилийн ойд бэлтгэж буй ажлуудын талаар санал солилцов.

Түүнчлэн БНСУ-ын Үндсэн хуулийн цэцэд Азийн Үндсэн хуулийн шүүхүүдийн холбоо (AACC)-ны дэд захирал Fabian Düssel-тэй уулзалт хийж, Үндсэн хуулийн хяналтын тогтолцоо, суурь эрхийн хамгаалалт, ардчилал ба эрх зүйт төрийн баталгаа, мөн Азийн бүс нутгийн харьцуулсан туршлагын талаар өргөн хүрээтэй хэлэлцүүлэг өрнүүлэв.
Эдгээр уулзалтууд нь цаашдын судалгаа, төслийн ажил болон харьцуулсан эрх зүйн шинжилгээ, олон улсын хамтын ажиллагаанд чухал суурь мэдлэг, практик ойлголт өгсөн арга хэмжээ боллоо.