Туршлага солилцсон хэлэлцүүлэг
“Хууль бус хөрөнгийг тогтоох, хураах, кибер болон эдийн засгийн гэмт хэргийн зүйлчлэл” сэдэвт хэлэлцүүлэг зохион байгуулагдлаа.

Хэлэлцүүлэгт Шүүхийн ерөнхий зөвлөлийн дарга П.Золзаяа, гишүүн Х.Эрдэм-Ундрах, Ханнс-Зайделийн сангийн төлөөлөл болон нийслэл дэх шүүхийн шүүгчид оролцов. 

Үндсэн илтгэлийг ХБНГУ-ын Бавари мужийн Мөнгө угаахтай тэмцэх, хууль бус хөрөнгө хураах төв байгууллагын дарга, Ерөнхий прокурор Хильдегард Боймлер-Хёсл танилцуулж, хууль бус хөрөнгө хураах чиглэлээр Германд хэрэгжсэн эрх зүйн шинэчлэл, түүний үр дүнгийн талаар мэдээлэл өглөө.

Хэлэлцүүлгийн үеэр оролцогчид Монгол Улсын нөхцөл байдалтай харьцуулан туршлага солилцож, шүүх, прокурорын байгууллагын хамтын ажиллагаа болон эрх зүйн орчныг сайжруулах боломжийн талаар санал солилцсон юм.