Уг хуралд Ханнс-Зайделийн сангийн дэмжлэгээр ДХИС-ийн Цагдаагийн сургуулийн захирал, цагдаагийн хурандаа, доктор Б. Хишигтогтох, ШШЕГ-ын эрдэмтэн нарийн бичгийн дарга бөгөөд эрдэм шинжилгээ, сургалт, хөгжүүлэлтийн төвийн дарга, цагдаагийн хошууч, доктор, М.Түмэннаст нар 2 дахь өдрөө амжилттай оролцож байна.
Дэлхийн 24 улсын 100 гаруй цагдаагийн алба хаагчид, хууль зүй, улс төрийн салбарын төлөөлөгчид оролцож буй тус хурлын үеэр цагдаагийн олон улсын хамтын ажиллагааг өргөжүүлэх, тулгарч буй асуудлуудыг шийдвэрлэх гарцыг эрэлхийлэх, ардчилалд заналхийлж буй хүчин зүйлүүдийг бууруулах, арилгах зэрэг өргөн хүрээтэй олон чухал асуудлыг хэлэлцэж байна.