Аяны хүрээнд тухайн жилийн сэдэвтэй холбоотой төрөл бүрийн медиа бүтээлүүдийг хийж, олон нийтэд түгээдэг уламжлалтай. Тухайлбал, энэ жил Ханнс-Зайделийн сан байгаль орчны эрх зүйн мэдлэг, мэдээллийг олон нийтэд түгээх зорилгоор нийт 22 зурагт хуудсыг бүтээх, түгээх ажлыг дэмжин оролцлоо. Эдгээр зурагт хуудсуудыг олон нийтийн сүлжээ, зурагт, зарлалын самбар зэрэг олон сувгаар дамжуулан нийтэд хүргэсэн.
Сангийн байгаль орчны эрх зүйн төслийн нэг зорилго нь хүрээлэн буй орчны хууль тогтоомжийг сурталчлах, иргэдийн эрх зүйн боловсролыг нэмэгдүүлэх юм. Тиймээс сан нь “Байгалиа хамгаалъя” аяныг хоёр дахь жилдээ дэмжин оролцсоноос гадна “Эрх зүйн тухай энгийнээр” цуврал видео контент, байгаль орчны сэдвээр иргэдийн дунд бичвэрийн болон видео уралдааныг зохион байгуулах зэргээр байгалиа хамгаалахад иргэдийн оролцоог нэмэгдүүлэхэд анхаарч ажиллаж байна.