[Translate to Mongolian:]
Тус уралдааныг 2023.04.15-05.30-ны хооронд зарлаж, өнөөдөр шилдгүүдийг тодрууллаа.
Шагнал гардуулах үеэр сангийн тэргүүн Феликс Гленк “Байгаль орчны асуудал бол дэлхий нийтийн асуудал. Монголд тулгарч буй асуудал Германд ч мөн бий. Иймд хүн бүр байгалиа хайрлаж, хамгаалах талаар сэтгэл зүтгэлтэй, мэдлэгтэй байх нь чухал” гэдгийг онцоллоо. Ажлын албаны дарга, хатагтай Л.Нямгэрэл “Байгалиа хамгаалах нь аль нэг төрийн байгууллагын ажил гэхээс илүү хүн бүрийн оролцоог шаарддаг ажил” болохыг онцлоод олон нийтийг энэ талаарх мэдээ мэдээллээр хангахад хэвлэл мэдээллийн байгууллагуудыг түүчээлэхийг уриаллаа.
Уралдааны оролцогчид иргэдийг байгалиа хамгаалахыг уриалсан болон байгаль орчны эрх зүйн боловсролыг олон нийтэд таниулж, олгосон утга агуулга бүхий видео контент, мэдээ нийтлэл, зурагт хуудсуудыг бүтээж ирүүлсэн юм. Тэдний бүтээлийг мэргэжлийн болон хөндлөнгийн 5 шүүгч шүүж, дараах оролцогчид байр эзэллээ.