Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. МУИС-ын тэтгэлэгт оюутнуудад зориулсан уулзалт зохион байгууллаа

Герман улсад тэтгэлэгтэй суралцах
МУИС-ын тэтгэлэгт оюутнуудад зориулсан уулзалт зохион байгууллаа

Ханнс-Зайделийн сан болон Герман, Европын эрх зүйн төвөөс хамтран хэрэгжүүлж буй “Эх газрын эрх зүй судлалын хөтөлбөр”-ийн хүрээнд 2025 оны 9 дүгээр сард Монгол Улсын Их Сургуулийн Хууль зүйн сургуулийн 20 оюутанд герман хэлний анхан шатнаас ахисан дунд шат хүртэлх сургалтад хамрагдах тэтгэлгийг олгосон юм.

Энэхүү хөтөлбөрийн хүрээнд Герман, Европын эрх зүйн төвтэй хамтран 2025 оны 12 дугаар сарын 26-ны өдөр тэтгэлэгт суралцагчдад зориулан Холбооны Бүгд Найрамдах Герман Улсад магистр, докторын хөтөлбөрт суралцах боломжийн талаарх нээлттэй уулзалт, ярилцлагыг зохион байгууллаа.

Тус уулзалтад Олон улсын эрх зүйн хөгжлийн байгууллага (IDLO)-ын хөтөлбөрийн удирдагч Н.Одонтyяа, Ханнс-Зайделийн сангийн Монгол дахь төлөөлөгчийн газрын эрх зүйн төслийн менежер С.Амармэнд нар оролцож, ХБНГУ-ын их сургуулиудын элсэлтийн нөхцөл, магистр болон докторын хөтөлбөрт суралцах боломж, Герман улсад суралцаж, судалгаа хийсэн туршлага, тэтгэлгийн боломжууд, мөн герман хэлний түвшин тогтоох шалгалтын талаар дэлгэрэнгүй мэдээлэл хуваалцлаа.

Түүнчлэн цаашид ХБНГУ-д суралцах сонирхолтой оюутнуудад заавар, зөвлөгөө өгч, дэмжин хамтран ажиллахад бэлэн байгаагаа илэрхийлэв.