Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. “Авлига, мөнгө угаах гэмт хэргийн талаарх сургалт: ХБНГУ-ын туршлага ба сорилтууд”

Сургалт
“Авлига, мөнгө угаах гэмт хэргийн талаарх сургалт: ХБНГУ-ын туршлага ба сорилтууд”

Улсын ерөнхий прокурорын газрын дэргэдэх Сургалт, судалгааны хүрээлэн “Мөнгө угаах гэмт хэргийг хянан шийдвэрлэх ажиллагаа: тулгамдсан асуудал, шийдвэрлэх арга зам“ мөн “Авлига, мөнгө угаах гэмт хэрэг: Хөрөнгө буцаах ажиллагааны талаар ХБНГУ-ын туршлага”сэдэвт сургалт зохион байгуулсан бөгөөд уг сургалтыг Ханнс Зайделийн Сан дэмжин оролцов.

 

Сургалт Улсын ерөнхий прокурорын газрын дэргэдэх Сургалт, судалгааны хүрээлэнгийн сургалтын албаны дарга, ахлах прокурор О.Алтангэрэлийн нээлтийн үгээр эхлэв.

Энэхүү сургалтыг ХБНГУ-ын Мюнхений Ерөнхий Прокурорын Газрын Бавари мужийн хууль бус хөрөнгө нөхөн сэргээлтийн төв зохицуулалтын газрын дарга, хатагтай Боймлер-Хөсл удирдан орсон.Уг сургалт нь 2024 оны 09 дүгээр сарын 26-ний өдөр зохион байгуулагдсан бөгөөд уг сургалтыг сонирхсон прокурорууд оролцсон.Энэхүү сургалтаар Мөнгө угаах гэмт хэргийг хянан шийдвэрлэх ажиллагааны явцад үүсдэг тулгамдсан асуудал түүнийг хэрхэн шийдвэрлэх тухай болон авлига, мөнгө угаах гэмт хэргээс үүсэлтэй хөрөнгийг хэрхэн буцаах талаар ярилцахын зэрэгцээ ХБНГУ-ын туршлагатаас хуваалцсан үр өгөөжтэй сургалт болж өндөрлөлөө.Сургалт оролцогчдын сонирхсон асуулт бүрд хариулт өгснөөр өндөрлөв.