Print logo
Jump to main navigation Jump to content
  1. Ханнс-Зайделийн сангийн Монгол дахь төлөөлөгчийн газар
  2. Мэдээ мэдээлэл
  3. Биологийн олон янз байдлыг хамгаалах ба бүс нутгийн хамтын ажиллагаа

Тогорууны наадам
Биологийн олон янз байдлыг хамгаалах ба бүс нутгийн хамтын ажиллагаа

2014 оноос хойш Хэнтий аймгийн Биндэр суманд жил бүр Цэн тогорууны наадам зохион байгуулагдаж ирсэн. Энэхүү арга хэмжээг Монголын Зэрлэг амьтдын шинжлэх ухааны төв болон Олон улсын тогорууны сан хамтран зохион байгуулдаг. Наадмын зорилго нь орон нутгийн иргэдийн оролцоотойгоор эмзэг чийглэг бүс нутгийг хамгаалах, байгаль орчны боловсролыг дэмжих, тогтвортой эко аялал жуулчлалыг хөгжүүлэхэд чиглэдэг.

Монгол Улсын зүүн хойд хэсэгт орших Хурх-Хүйтэний голын хөндий нь цагаан хүзүүт цэн тогорууны хамгийн чухал үүрлэх, амрах газрын нэг бөгөөд бүс нутгийн биологийн олон янз байдлаар баялаг юм. Энэхүү бүс нутаг нь Төв Азийн нүүдлийн зам (Central Asian Flyway)-д дагуух олон нүүдлийн шувууны чухал амьдрах орчин болдог.

2014 оноос хойш Хэнтий аймгийн Биндэр суманд жил бүр Цэн тогорууны наадам зохион байгуулагдаж ирсэн. Энэхүү арга хэмжээг Монголын Зэрлэг амьтдын шинжлэх ухааны төв болон Олон улсын тогорууны сан хамтран зохион байгуулдаг. Наадмын зорилго нь орон нутгийн иргэдийн оролцоотойгоор эмзэг чийглэг бүс нутгийг хамгаалах, байгаль орчны боловсролыг дэмжих, тогтвортой эко аялал жуулчлалыг хөгжүүлэхэд чиглэдэг.

 

Бүс нутгийн байгаль хамгааллын бэлгэдэл

Цагаан хүзүүт цэн тогоруу нь Монголд үүрлэж, Өмнөд Солонгос болон Японд өвөлждөг ховор, устаж болзошгүй шувуу юм. Энэхүү хязгаар дамнасан шувуу нь бүс нутгийн улс орнуудын нийтлэг байгалийн баялаг, энх тайвны хамтын ажиллагааны бэлгэдэл болдог.

Цэн тогорууны наадам нь бүс нутгийн орнуудын хоорондын харилцаа, ойлголцлыг гүнзгийрүүлэх платформ болж өгдөг. 2016 онд Ханнс Зайделийн сан анх удаа энэ бүс нутагт төслөөр дамжин оролцож, биологийн олон янз байдлыг хамгаалах, байгаль орчны боловсролыг дэмжих, итгэлцлийг бий болгох чиглэлээр хамтран ажиллаж эхэлсэн. Тухайн жил Хойд Солонгосын төлөөлөгч анх удаа оролцсон нь улс төрийн хил хязгаарыг давсан байгаль хамгааллын чухал алхам болсон юм.

Ханнс Зайделийн сангийн оролцоо

“Global Mitigation and Adaptation on Climate Change” (GMACC) хөтөлбөрийн хүрээнд Ханнс Зайделийн сан нь Зүүн Азийн экосистемийн хувьд үнэтэй газар нутгийг хамгаалах, бүс нутгийн уур амьсгалын өөрчлөлтийн эсрэг хамтын ажиллагааг бэхжүүлэхэд хувь нэмрээ оруулдаг. Хурх-Хүйтэний хөндий шиг чийглэг газар нутгууд нь зөвхөн нүүдлийн шувуудад чухал биш, мөн усны нөөцийн зохицуулалт, нүүрстөрөгчийн шингээлт болон хөдөө орон нутгийн экосистемийн тэсвэрлэх чадварт онцгой ач холбогдолтой. Энэ жил тус сангийнхан газар дээр нь оролцож, хамтран ажилласан.

Боловсрол, харилцаа, ирээдүйн төлөө

Цэн тогорууны наадам нь сургалт, мэдээллийн арга хэмжээ, хэлэлцүүлгээр дамжуулан олон нийтэд биологийн олон янз байдал, экологийн өөрчлөлтийн талаарх мэдлэгийг нэмэгдүүлж, хойч үеийнхэнд байгаль хамгааллын ач холбогдлыг ойлгуулахад хувь нэмэр оруулж байна. Мөн энэ нь бүс нутгийн улс орнуудын ирээдүйн хамтын, тогтвортой хамгаалалтын стратегийн талаар үе хоорондын болон хил дамнасан яриа хэлэлцүүлэг хийх орон зайг бүрдүүлдэг.

Урт хугацаандаа энэхүү санаачилга нь хөдөө орон нутгийн байгаль орчны боловсролыг сайжруулах, төр, шинжлэх ухаан, иргэний нийгмийн хооронд мэргэжлийн солилцоог дэмжих, байгаль орчны талаарх ухамсрыг бүс нутгийн тогтвортой хөгжлийн үндэс болгон төлөвшүүлэх зорилготой.