Print logo

Нийтлэлийн уралдаан
“Арилжааны салбарын хууль тогтоомжид тулгамдаж буй асуудал” сэдвээр зарласан нийтлэлийн уралдааны дүн гарлаа

“Арилжааны (худалдааны) салбарын хууль тогтоомжид тулгамдаж буй асуудал” нийтлэлийн уралдаанд бүтээлээ ирүүлсэн нийт оролцогчдод дахин талархал илэрхийлье. Нийтлэлийн уралдаанд нийт 18 бүтээл ирсэн бөгөөд тэдгээрийг зохиогчийн нэрсгүйгээр шүүгчдийн багт илгээн хянуулав. Шүүгч нар материалуудыг тус тусдаа болон хамтдаа үнэлж дүгнэн шилдэг нийтлэлүүдийг шалгаруулсан болно.

Тавдугаар сарын 1-ний өдөр тус ажиллагаанд амжилттай оролцсон хүмүүсийг бид Ханнс-Зайделийн сангийн Монгол дахь төлөөлөгчийн газрын байранд хүлээн авч шагналыг нь гардууллаа.

Энэ удаагийн нийтлэл шалгаруулах ажиллагаанд:

- Жижиглэнгийн худалдаа эрхэлдэг Ч.Болормаа “Хувиараа аж ахуй эрхлэгчийн бүртгэлийн асуудал, түүнийг худалдааны хуулиар зохицуулах нь” сэдэвт нийтлэлээр хоёрдугаар байр,

- Ти Ди Би Лизинг ХХК-ийн хуулийн зөвлөх Р.Мандухай “Хөрөнгөнд суурилсан санхүүжилт буюу санхүүгийн түрээстэй холбоотой Монгол Улсын Иргэний хуулийн зохицуулалтыг хэрэглэхэд тулгарч буй асуудал” нийтлэлээр,

- Хаан банк ХХК-ийн хуулийн зөвлөх Г.Уянга “Зайнаас гэрээ байгуулахтай холбоотой эрх зүйн зохицуулалтын тулгамдсан асуудал: банкны жишээн дээр” нийтлэлээр,

- ХБНГУ-ын амин дэм, хүнсний нэмэлт тэжээлийг импортлох, онлайнаар худалдах бизнес эрхэлдэг Ж.Дөлгөөн “Цахим худалдааны эрх зүйн зохицуулалтыг боловсронгуй болгох шаардлага” нийтлэлээр,

- Худалдаа, үйлчилгээний “Торгон хийц” ХХК-ийн хуулийн зөвлөх Б.Чимэдлхам “Худалдаа эрхлэгчдийн түрээсийн эрх зүйн харилцааны өнөөгийн байдал, түүнийг шийдвэрлэх арга зам” нийтлэлээр тус тус гуравдугаар байр эзэллээ.

Та бүхэнд баяр хүргэж бизнесийн үйл ажиллагаанд нь өндөр амжилт хүсье.